Flott lag frá Cliff Clavin hér um árið.

Ég hef alltaf verið með blæti  fyrir góðu "Gítarsándi", hér er eitt gott dæmi.

Jutte Bra.

Hér er pistill sem birtist í Mosfellingi í dag og er númer 53 í röðinni. Þessi pistill er óstytt útgáfa af honum.

 

 

 

Nú á dögunum fórum við (ég) að fylgjast með strákunum okkar eftir að hafa verið að fylgjast með stelpunum okkar á stórmóti í sumar. Strákarnir náðu góðum úrslitum með því að ná að jafna Sviss í ævintýralegum leik sem endaði 4-4 í Sviss og svo svo sigur heima 2-1 á Albönum. Þetta er frábær árangur og nú hlakkar manni til að horfa á loka leikina gegn Kýpur og  Noregi.

Það sem vakti athygli mína og fleiri eftir leikinn var viðtalið við landsliðs þjálfarann okkar Lars Lagerback sem Adólf Ingi tók og fór fram á Sænsku. Þetta þótti mér fáránlegt ekki bara fyrir þær sakir að ég tala ekki "Svísku" einsog einhver sagði heldur talar sá Sænski óaðfinnanlega Ensku sem ég skil ágætlega. Dolli eins og hann er gjarnan nefndur sagði að þetta væri stefna hjá RÚV að tala við Skandínava í þeirra tungumáli ef viðkomandi frétta maður væri „mellufær“ á þeirra eigin tungu.

 Hann sagaði jafnframt að hér á Íslandi væru margir sem hefðu búið eða verið í námi í Skandinavíu og ættu því að skilja Sænsku. Ég hélt að það væri ekki nóg að að hafa búið í einhverju landi í Skandínavíu þá skildi ég bara sí svona Sænsku, ef þú hefur búið í Finnlandi,Noregi nú eða Færeyjum þá ertu bara sí svona talandi á Sænska tungu. Ég hef búið alla mína hund og kattar tíð á Íslandi sem er ef mig brestur ekki minnið í Skandínavíu og ég skildi andskotans ekkert hvað Lars var að segja.

Nema þá sú Sænska sem mér var kennd af Svía nokkrum sem er ekki til að hafa eftir mér því hann laug að mér um hverja setninguna að fætur annarri, þegar ég bauð konu góðan daginn þá hrósaði ég  henni um barma stærð og ef ég bauð karlmanni góðan daginn þá var ég að dást að limnum hans. Sem betur fer náði ég ekki að iðka mína Sænsku við marga því hann hló svo mikið þegar ég opnaði á mér kjaftinn og byrjaði að mala á Sænsku að ég sá fljótlega í gegnum grínið. En afhverju erum við þá yfir höfuð að texta eða þíða sjónvarpsefni sem fram fer á norðurlanda tungumálum ef þetta er stefnan innanhús hjá RÚV ? Jú því það skilja ekki allir sænsku eða hin norðurlanda tungumálin. Væri ekki betra að tala við Lars kallin á ensku sem 60-80 % Íslendingar skilja eða á að halda áfram að spjalla við hann á Sænsku sem 6-8 % Íslendingar skilja.

Hvað finnst þér?

Högni Snær 

 

Rökræður prdikara um Samkynjneigð.

Í Biblíunni segir segir margt sem ekki eiga við rök að styðjast í nútíma samfélagi ef við ætlum að  taka ALLT sem þar segir BÓKSTAFLEGA fer ekki vel fyrir okkur. "Eigi að síður verð ég að virða reglurnar sem Guð setti okkur mönnunum" segir predikarinn. 

 

Allir einstaklingar eru jafnir sama hver þeir eru þeir eru, trú, kyn,stærð, með hvaða liði þeir halda, hvar þeir búa, og í hvaða flokki þeir eru . 

Ber virðingu fyrir samkynhneigðum

Kisi komin í leitirnar...

Hann fannst kaldur og hrakinn illa til fara og skelþunnur í þokkabót. Hann var handsamaður af sérsveitarmönnum undir kvöld og þurfti hjálp frá landhelgisgælunni til að hafa hendur í hári hans.

 Heimildarmaður sagðist hafa séð þann Danska ráfa á milli ölknæpa fram eftir nóttu og var hann orðin auralítill og ölvaður eftir atvikum. Talið er víst að honum verði vísað úr landi eftir yfirheyrslur enda bíður heil einkaþota á Reykjarvíkurflugvelli eftir kauða. 

Ekki er talið að hann muni sækjast eftir landvistarleifi eða sækja um pólitískt hæli enda er hér bæði skítkalt og í Kattholti ekki fýsilegir högnar til undaneldis.

 

Danski kötturinn fundinn

Leita í Öskjuhlíð að dönskum ketti.

Kattarófétið Danska tók sig til og braust í gegnum landamæraeftirlit, snéri á tollverði og flúði inn í borgina, það er enn ófundið.

Sá Danski leikur lausum hala ósnyrtur, óormahreinsaður, hefur ekki farið í bað eða sturtu í marga daga og nú leynist hann í felum og skítur og mígur út um allar koppa grundir. 

Hér er mynd af flóttamanninum (sem er læða eftir áraðalegum heimildum RÚV). Björgunarsveitarmenn, lögregla, sjálfboðaliðar og sérsveitamenn leita hans enn. Kattarins ber að varast og fólki er bent á að nálgast hann ekki heldur hringja í síma lögreglu 112 og eða síma héraðsdýralæknis 894-0240 . Hann er skapstór , úrillur, andfúll, ófélagslindur og hreinlega stórhættulegur.

Nú liggja Íslendingar í því..

Leita í Öskjuhlíð að dönskum ketti

Virkilega skemtilegt "gítarriff" .

Strákarnir frá Los Angeles sem syngja stundum á Hebresku eru hérna með skemmtilegt lag sem ég er að fíla. Ég vaknaði með þetta gítarriff í kollinum í morgun.

Snilldar fyrirsögn á frétt. "Uppvakningar á Eyrarbakka "

Þetta er snilldar fyrirsögn á frétt sem ég bara varð að skoða nánar.

Ekki það að ég héldi að það byggju bara uppvakningar á Eyrarbakka og nágreni.

 

 

Uppvakningar á Eyrarbakka

Klakinn heillar.

 

 

Ætli það geti ekki verið að lágt leiguverð eða lágt matvöruverð sem hafi heillað ?

Nú eða blíðviðrið. 

Níu Albanar „týndir“ á Íslandi

Ferðamenn.

Þessi pistill birtist í Mosfelling núna í enda Ágúst og var númer 52 í röðinni hjá mér.

Hér kemur pistillinn í óstyttri útgáfu.

 

Ferðamenn.

 

 

 

 

 

 

 

 

 

 

 

 

 

 

 Það er orðið lúxus vandamál í Íslandi í ferðamennsku að það koma hingað fleiri ferðamenn en við höfum pláss fyrir. Þ.e.a.s  gistirými fyrir ferðamenn eru að skornum skammti og það hefur leitt af sér gullgrafaræði hjá landanum því að nú eru ALLIR að byggja hótel eða gistiheimili. Það á að rífa hvert húsið af fætur öðru svo hægt sé að koma fleirum fyrir, enda komin tími til því að öll háfaloft,fataskápar,  útigeymslur, gesta herbergi og bílskúrar sem hægt var að troða túrhestum inn í og rukka 8.þúsund fyrir nóttina eru löngu orðin full. Svo er hægt að splæsa í einn cherios pakka, eina sultukrukku og brauð þá ertu komin með morgunmat líka og þá getur þú klínt auka 2 þúsund á reikninginn og grætt meira því það er ekkert slor að bjóða upp á Bed and breakfast hér á klakanum.

Gullgrafaæði eru ekki ný af nálinni á Íslandi þar sem allir vilja af sjálfsögðu fá sinn bita af kökunni til að geta framfleytt sér. Mér er enn minnistætt loðdýrarækt sem átti að koma öllum á Forbes lista ríkustu manna heims, Svo var það laxeldið sem var næst á dagskrá og ekki gleyma bönkunum þar sem annarhver Íslendingur Fór í Háskóla og nældi sér í hagfræði eða fjármálafræði próf og sturtaði fjármálakerfinu í klósettið.  Hey ég er ekkert að gera lítið úr því að fólk vilji græða enda verðum við öll að eiga pening til að komast af á þessu yndislega skeri okkar ég er bara að benda á það að það geta ekki allir í einu opnað sjoppu eða fatahreinsum  í sömu götunni því óhjákvæmilega munu þær ekki allar lifa af. Allt er gott í hófi sagði einhver víst.

Á haustin er Iceland airwaves og þau eru öll pláss upptekinn enda miðbærinn fullur af túristum sem vilja koma á tónlistarhátíðina. Við höfum leist vandamálið bara með því að rífa tónleikastaðina og byggja hótel í stað þeirra til að koma fólkinu fyrir. En Úps þá eru ekki til tónleikastaðir til að halda Airwaves....Þeir hafa ekki spáð í það....

 

Högni Snær.

Fleiri Vandræðaleg augnablik.

Þessi pistill birtist í Mosfelling ekki alls fyrir löngu og er númer 51 í röðinni. Hér er óstytt útgáfa.

 

 

 

 

 

 

 

 

 

 

 

Fleiri Vandræðaleg augnablik.

Fyrir þó nokkru skrifaði ég pistil um „vændræðaleg augnablik“ eða klípur sem ég hef komið mér í, og gæti ég skrifað pistil vikulega í eitt ár um slík atvik en sennilega helmingur þeirra myndi aldrei rata á prent sökum þess að þeir væru seint taldir prenthæfir né bera mér söguna vel.

Þetta atvik gerðist ef ég man rétt 2004 þegar ég ásamt fleirum var á leið í tvítugsafmæli hjá þekktum Mosfellingi hér í bæ sem var haldið á Gullöldinni. Þannig var það nú að við vorum nú að verða seinir í afmælið enda komið fram yfir miðnætti og við höfðum setið að svamli í heimahúsi hér í bæ og ákváðum að taka leigubíl í bæinn sem oft vill verða undir þessum kringumstæðum. Þegar á Gullöldina var komið þá voru bjórarnir farnir að segja til sín og þurfti ég nauðsynlega að komast á klósettið.

 En vandamálið var að röðin fyrir utan skreið hátt í hundrað metra löng ekki var möguleiki í helvíti að ég gæti haldið í mér það lengi. Nú voru góð ráð dýr ég hefði sennilega átt eina mínútu þangað til að ég þyrfti að spræna með góðu eða illu.

 Þannig að ég sá mér þann kost vænstan að pissa bara fyrir utan þar sem enginn gæti séð til mín, neðst á bílastæðinu var stór Land Rover jeppi sem ég gat skýlt mér bakvið enda vildi ég ekki að neinn yrði var við mig og hálf skammaðist ég mín við að þurfa gera þetta en menn hafa jú þurft að míga utan dyra í þúsundir ára einsog skaparinn gerði okkur og því skiptu ekki máli þó eitt kvikindi í viðbót myndi bætast í hópinn.  Á þessum tímapunkti var ekki hægt að velta þessu mikið um í kollinum enda alveg í spreng og þetta var gott hundrað metra labb sem ég tók á sprettinum enda alveg að míga í mig. Ég væri nú seint talinn hlaupalega vaxin en ég hefði rústað Usain Bolt í hundrað metra hlaupi í átt að bílnum og ég hefði skilið hann eftir með skömm svo hratt hljóp ég. 

Ég skýldi mig bakvið bílinn þannig að enginn sæi hvað ég var að gera enda hætt við að fá sviðskrekk á þessum síðustu og verstu en ekki vildi betur til en að á spretti mínum tók ég fram úr stúlku sem reyndist vera eigandi bílsins í Mosfellsdalnum og þegar ég hafði lokið mér af þá fékk ég aldeilis að heyra það hvern djöfullinn ég væri að gera og hugsa.

Ég reyndi að biðja innilegrar afsökunar á athæfi mínu en og útskíra maílið en hún vildi ekki heyra á það minnst meðan hún úthúðaði mig með skít og skömm. Það var frekar aumur maður sem reyndi að skemmta sér það sem eftir var kvöldsins enda sat þetta svolítið í mér og ég bið hér enn og aftur afsökunar til stúlkunnar úr Mosfellsdalnum hér með.

 

Högni Snær.