Mottumars.

Þessi pistill er frá 2010 

Mottumars.

Núna í Mars er átakið karlmenn og krabbamein og liður í því átaki er þessi skemmtilega keppni mottumars sem hundruð karlmanna taka þátt í. Þetta átak hvetur karlmenn til að þekkja einkennin og hefur verið sett af stað skemmtileg auglýsingaherferð með stórskotaliði skemmtikrafta og þjóðþekktra karlmanna í fararbroddi. Í auglýsingarherferðinni eru menn hvattir til að safna mottu og safna áheitum á síðu krabbameinsfélagsins og þátttakan verið góð. Einnig eru menn hvattir til að þukla og þreifa allrækilega á sínu heilagasta og athuga hvort þar sé eitthvað misjafnt á seiði. Þetta er gríðarlega mikilvægt átak og þetta hefur verið “Tabú”  meðal karlmanna. En hingað til hefur nú ekki þurft auglýsingarherferð til að hvetja okkur karlmenn til að fitla við tepokana okkar og það svæði í kring, það fitl hefur verið í öðrum tilgangi en að athuga hvort krabbamein hefur gert vart við sig. Nú höfum við góða og gilda ástæðu eða afsökum ef að menn eru gripnir við slíkar iðjur og getum við afsakað okkur að þetta sé í læknisfræðilegum tilgangi og káf þetta sé liður í mottumars. Þar er virkilega gaman að sjá hve góð þátttaka Mosfellinga er góð og hægt er að skoða motturnar Mosfellsku á síðu krabbameinsfélagsins.

Það eru nokkrar konur sem taka þátt í þessu átaki en hvort það sé nú  frá náttúrunnar hendi eða að þær hafi tekið þessar auglýsingar of alvarlegar skal ég ekki segja.

Það væri nú svolítið skondið að vera hér túristi á vappi og skilja ekkert í af hverju í ósköpunum svona margir karlmenn á Íslandi líta út einsog þýskir klámmyndaleikarar frá átthunda áratuginum, því það verður að segjast þó að það fari mörgum mjög vel að vera með mottu þá lítum við hinir einsog að við séum sloppnir út af stofnun og göngum ekki heilir til skógar einsog sagt er.

Högni Snær.

Athugasemdir

[Ásthildur Cesil Þórðardóttir, 8.3.2012 kl. 18:14]

Högni farðu til Póllands og Færeyja, þar eru flestir með mottur allan ársins hring.  Sérstaklega í Póllandi.  Það er gaman að þessum mottum og sumar rosalega flottar.

[Högni Snær Hauksson, 8.3.2012 kl. 20:37]

Best að kíkja þangað.

[Ásthildur Cesil Þórðardóttir, 8.3.2012 kl. 22:14]

Já það et gott að koma til Póllands. Líka Fæereyja,

[Högni Snær Hauksson, 13.3.2012 kl. 22:26]

Mig hefur alltaf dreymt um að fara til Færeyja, sérstaklega á Ólafsvöku.